Олар сенен жетімдер туралы сұрайды. Айт: «Оларға жақсылық жасау – жақсы. Егер сендер өздеріңнің істеріңмен біріксеңдер, онда олар – сендердің бауырларың. Алла жақсылық жасағанды опасыз адамнан айырады. Егер Алла қаласа, онда сендерді қиын жолға салатын еді. Шындығында, Алла – Құдіретті, Даналы». (2:220)

Тақуалық бетіңді шығысқа және батысқа бұрғаның емес. Тақуалар – Аллаға иман келтіргендер, Ақирет күніне, періштелерге, Кітаптарға, пайғамбарларға, өзінің жақсы көретін мүліктерін туыстарына, жетімдерге, кедейлерге, жолаушыларға және қайыр сұрағандарға таратып бергендер, оны құлды азат етуге жұмсағандар, намаздарын үзбей оқығандар, тазартатын шығын шығарғандар, келісімдерін сақтағандар, мұқтаждық және ауырған, соғыс кезінде шыдамдық көрсеткендер. Шыншылдар осылар. Алланың (ашуынан) қорқатындар осылар. (2:177)
Аллаға қызмет етіңдер және Оған серік қоспаңдар. Ата-аналарыңа, туыстарыңа, жетімдерге, кедейлерге, туыс көршілерге, туыс болмаған көршілеріңе, жаныңда жүрген серіктеріңе, жиһангерлерге, сендердің құлдарыңа жақсылық жасаңдар. Шындығында, Алла тәкаппарлар мен мақтаншақтарды жақсы көрмейді. (4:36)
Жетімдерге олардың мүлкін беріңдер және жақсыны жаманға айырбастамаңдар. Олардың мүлкін өз мүліктеріңмен қосып жеп қоймаңдар. Шындығында, бұл үлкен күнә болады. (4:2)
Сендерге әділдікпен қарау борыш етілді. Қандай жақсылық жасасаңдар да Аллаға мұның бәрі белгілі. (4:127)
Жетімдер кемеліне келгенше, игілік жасамай, мүлкіне жақындамаңдар. Өлшемі мен салмағын әділеттілікпен  толтырыңдар. Біз адамдарға қолынан келмейтінді жүктемейміз. Туыстарың болса да сендер адал сөзді айтыңдар. Аллаға берген уәделеріңе берік болыңдар.  Бұны сендерге Алла өсиет еткен, мүмкін сендер еске аларсыңдар.(6:152)
Шындығында, кім жетімдер­дің мүлкін әділетсіздікпен ішіп-жеп қойса, олардың іші Отқа толып және Жалында жанады. (4:10)
Сен жазалауды өтірік деп айтқанды көрдің бе?  Бұл  - жетімдерді қудалағандар, кедейлерді тамақтандырғысы келмегендер. Өздерінің намаздарына ұқыпсыздықпен қарап, екіжүзділік жасап және қайыр сұрағандарға қайырым жасамағандарға Қайғы төнеді. (107, 1-7)
Ал тақуалар камфара қосылған шарап ішеді. Алланың қызметкерлері бұлақтың суын ішеді. Оның қайнар көзін (Алла) ашады. Олар сертін орындайды, жамандық жақындайтын күннен қорқады. Олар тамақтарын жақсы көрсе де, кедейлерге, жетімдерге және тұтқындарға береді. Олар айтады: «Біз сендерді Алланың (разылығы) үшін тамақтандырамыз, бізге сендерден сый, құрмет керек емес. Біз өз Раббымыздың Қараңғы және қажытатын күнінен қорқамыз». Алла оларды қараңғы күннің зұлымдығынан сақтайды және гүлдендіріп, қуанышқа бөлейді. Олардың көрсеткен шыдамдылықтары үшін, Ол оларға Жұмақ бағы мен жібектерден тиістісін береді. (76, 5-12)  
Сол үшін жетімдерге қысымшылық көрсетпе! Қайыр сұрағандарды қуалама!  Өз Раббыңның қайырымдылығы туралы жариялап айт. (93, 9-11)
Раббымыз! Сен бізді тура жолға қойғаннан соң, жүрегімізді басқа жаққа бұра көрме. Өзіңнен бізге қайырымдылық сыйлай көр, Сен – Мейірімдісің» (3:8)